आरंभ - महिला उद्योजकांसाठी स्पर्धा

सर्व देवी भक्तांना नमस्कार,

गणेशोत्सवानंतर वेध लागतात ते म्हणजे नवरात्रीचे. आणि नवरात्र म्हटले की नऊ दिवस स्त्री शक्तीचा अखंड जागर तसेच आठवतो तो नऊ दिवस खेळला जाणार गरबा आणि दांडिया. दरवर्षी स्त्रिया नऊ दिवस त्या त्या रंगाच्या साड्या परिधान करण्यास नवरात्रीची आतुरतेने वाट बघत असतात.

परंतु यावर्षी जगावर कोरोना व्हायरसचे भयानक संकट आल्यामुळे इतर सणांप्रमाणे नवरात्रीचा सणही साध्या पद्धतीने साजरा करण्याचे आवाहन सरकारने केलं आहे.

आज समाजातील प्रत्येक क्षेत्रात स्त्रियांचा सहभाग वाढायला हवा असं अनेकांनं वाटतं.परंतु किती महिलांना आपली कहाणी जगाला सांगण्यासाठी व्यासपीठ उपलब्ध होतं? अनेक स्त्रियांमध्ये कलागुणांचा अविष्कार असूनही त्यांना आपली कला, कौशल्य दाखवण्यासाठी हक्काचं व्यासपीठ उपलब्ध होत नाही.

आणि म्हणूनच तुमच्या कलागुणांना लोकांपर्यंत पोहचवण्यासाठी, वाव देण्यासाठी आणि आत्मनिर्भर बनण्यासाठी आम्ही घेऊन आलो आहोत महिला उद्योजकांसाठी आरंभ स्पर्धा.

'आरंभ' विषयी बोलताना कॅनव्हार्टचे क्रिएटिव्ह डायरेक्टर आशिष म्हात्रे म्हणाले की, "ह्या स्पर्धेच्या माध्यमातून, आम्हाला महिलांमध्ये असलेली उद्योजकतेची भावना साजरी तसेच प्रोत्साहित करायची आहे आणि म्हणूनच सर्वांनी त्यांच्या या प्रवासात त्यांचे समर्थन करा. "

सदर स्पर्धा विद्यार्थीनी, गृहिणी, स्वतःचा व्यवसाय असणाऱ्या किंवा व्यवसायात इच्छुक असणाऱ्या सर्व महिलांसाठी आहे.

स्पर्धेत सहभागी होणाऱ्या सर्व स्पर्धकांना कॅनव्हार्ट कार्यसंघाकडून शुभेच्छा.